Përjashtimi i Berishës dhe deputetëve të tjerë të PD/ Byroja e Kuvendit lë në fuqi vendimin

Byroja e Kuvendit është mbledhur sot duke lënë në fuqi vendimin e Sekretariatit të Etikës për përjashtimin e Sali Berishës dhe tre deputetëve të PD.

Sali Berisha dhe Flamur Noka mbeten të përjashtuar për 10 ditë ndërsa Belind Këlliçi dhe Edi Paloka për pesë ditë.

Mbledhja u mbajt pas kërkesës së deputetëve të PD që kërkuan rrëzimin e vendimit të Sekretariatit të Etikës.

Më herët sot deputetët e PD të përjashtuar nga Kuvendi tentuan të hynin në Kuvend, por u ndaluan nga garda.

Deputetët u shprehën se kishin të drejtë të hynin në seancë për sa kohë kishte një anikimin dhe ende nuk ishte shprehur Byroja e Hetimit.