Aktivisti Florian Myftari thotë se protesta do të vijojë, madje ajo do të bëhet më e madhe sa herë pushteti sillet me arrogancë.
Protesta ka sjellë magji, frymë të re sa i përket organizimit. Protesta do të vazhdojë. Sa herë pushteti sillet me arrogancë, protesta bëhet më e madhe. Ky ishte edhe rasti i djeshëm.
Myftari tha se do të ketë ndryshime në kërkesat që protesta i ka drejtuar qeverisë.
Ndryshimet vijnë me një projekt të ri që do të jetë një propozim gjithëpërfshirës, që lidhet me ndryshimet kushtetuese.
Lidhur me përshkallëzimin e protestës, ai u shpreh se ajo nuk do të marrë kurrë drejtim të dhunshëm.
Dhuna është mekanizmi që kryeministri kërkon të përdorim. Ne objektivat tona i kemi të qarta. Nuk mundemi të krijojë episode që do t’i jepnin mundësi kryeministrit të na shpallë organizatë të dhunshme. E gjithë protesta njëzëri ka mbështetje për SPAK, kur kërkojmë arrestime. Ne kërkojmë që kryeministri aktual të hetohet në mënyrë të thelluar. Duhet të kujtojmë që nisur nga ’91-shi, të gjitha ngjarjet në Shqipëri nuk janë hetuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
