Cikloni në Brazil, shkon në 38 numri i të vdekurve

Numri i të vdekurve nga cikloni ekstratropik që goditi shtetin brazilian të Rio Grande do Sul vazhdon të rritet.

Deri më tani janë konfirmuar 38 viktima, si dhe nëntë të zhdukur, ndërsa reshjet pritet të rikthehen sërish ditën e sotme.

Guvernatori i Rio Grande do Sul, Eduardo Leite, e ka kayrhotizuae situatën një fatkeqësi publike dhe tha se ka frikë se numri i të vdekurve do të rritet përsëri pasi ekipet e shpëtimit të mund të hyjnë në zonat e izoluara.

Tashmë 2319 persona kanë mbetur pa shtëpi, ndërsa 3575 të tjerë janë zhvendosur.

Në total, rreth 57 mijë banorë u prekën drejtpërdrejt ose tërthorazi nga cikloni. Zona që ka pësuar më shumë dëme është Vale de Taquari, rreth dy orë nga kryeqyteti i shtetit, Porto Alegre.