Organi evropian i sigurisë, Organizata për Siguri dhe Bashkëpunim në Evropë (OSBE) ka hetuar ngjarjet në Ukrainë.
Në një raport, i cili hetonte ngjarjet në fund të shkurtit dhe marsit, organizata tha se kishte prova të shkeljeve nga forcat ruse, duke përfshirë shkeljen e të drejtës për të jetuar, dhunën seksuale, vrasjet jashtëgjyqësore, dëbimet e detyruara, përdorimin e mburojave njerëzore dhe zhdukja e gazetarëve dhe aktivistëve të të drejtave të njeriut.
Në raport thuhet gjithashtu se autokolona humanitare ishin sulmuar.
Po ashru nga hetimi i organizatës del se sulmi në maternitetin e Mariupolit më 9 mars u krye nga Rusia, një akuzë që Moska e ka mohuar.
Raporti thoshte se një sulm tjetër më 16 mars në teatrin e Dramës në Mariupol, ku po strehoheshin civilët, ishte një krim lufte.
Raporti i OSBE-së thoshte se Ukraina gjithashtu dukej se kishte kryer shkelje, veçanërisht në trajtimin e të burgosurve të luftës, por se shkeljet e Rusisë ishin shumë më të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
