Carles Puigdemont, anëtar i parlamentit Evropian, është arrestuar pasi mbërriti në Sardenjë, Itali për një festival folklorik katalanas.
Ish-udhëheqësi i Katalonjës ka qenë jashtë vendit që nga viti 2017 për shkak të rolit të tij në një referendum pavarësie që qeveria spanjolle e konsideroi të paligjshme. Ai akuzohet gjithashtu për keqpërdorim të fondeve publike.
Puigdemont u arrestua nga policia kufitare italiane pasi mbërriti në aeroport në Alghero, sipas shefit të stafit të tij Josep Lluís Alay.
Lluis Alay shkroi në Twitter se Puigdemont do të shkojë para Gjykatës së Apelit Sassari për të përcaktuar nëse ai do të ekstradohet apo lirohet.
Gonzalo Boye, avokati i Puigdemont, shkroi në Twitter se ai u arrestua për një urdhër-arrest evropian të vitit 2019 që është pezulluar që atëherë.
Parlamenti Evropian votoi në mars për heqjen e imunitetit parlamentar të Puigdemont dhe dy bashkëpunëtorëve të tij.
Ata më pas humbën një apel në Gjykatën Evropiane të Drejtësisë në korrik për të rivendosur imunitetin, me gjykatën që deklaroi se nuk kishte asnjë arsye që ata nuk mund të përballeshin me gjyqin në Spanjë.
Ndërkohë udhëheqësi aktual i Katalonjës Pere Aragonès tha se "persekutimi dhe shtypja gjyqësore" duhej të ndalej.
"Amnistia është mënyra e vetme. Vetëvendosja, zgjidhja e vetme," tha Aragonès, duke shtuar se ishte në anën e Puigdemont.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
