Policia holandeze zbuloi të parin rast të trafikut njerëzor me avionë sportivë dhe të trafikuarit ishin shqiptarë. Nga mediat holandeze mësohet se Policia Ushtarake Mbretërore ditën e enjte arriti të parandalojë një rast trafikimi njerëzor, duke ndaluar 11 shqiptarë në moshë të rritur dhe 3 fëmijë të vegjëlm, të cilët ishin nisur nga Belgjika dhe duke kaluar nëpër Holandë, do të mbërrinin në Britaninë e Madhe.
Nëntë të dyshuar të moshave nga 29 deri në 62 vjeç, janë arrestuar dhe u morën në pyetje. Pesë nga shqiptarët janë nga 20 deri në 27 vjeç. Ndërkaq, janë ndaluar edhe 2 pilotët anglezë të avionit sportiv. Gjatë kërkimeve në një dhomë hoteli dhe në dy shtëpi në Amsterdam, natën e së enjtes, u kapën edhe 4 të tjerë, ndërsa vetëm pas orës 22.00 u kap edhe “truri” i këtij rrjeti, identiteti i të cilit nuk specifikohet. Në hotel u gjetën 1 mijë euro, ndërsa në dy shtëpitë u sekuestruan mbi 10 mijë euro të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
