Rusia thotë se SHBA-të po tregohen hipokrite duke kundërshtuar hetimin e Gjykatës Penale Ndërkombëtare ndaj Izraelit, por duke mbështetur urdhërarrestin e saj për presidentin Vladimir Putin.
ICC, gjykata e cila mund të akuzojë individë për krime lufte, krime kundër njerëzimit dhe gjenocid, po heton sulmin e Hamasit dhe sulmin shkatërrues ushtarak të Izraelit në Gaza, tashmë në muajin e shtatë.
“Uashingtoni mbështeti plotësisht, nëse jo stimuluar, lëshimin e urdhrave të ICC kundër udhëheqjes ruse”, tha zëdhënësja e Ministrisë së Jashtme ruse Maria Zakharova në një postim në Telegram.
Por “sistemi politik amerikan nuk e njeh legjitimitetin e kësaj strukture në raport me veten dhe satelitët e saj”, tha Zakharova, duke shtuar se një qëndrim i tillë është intelektualisht “absurd”.
Zëdhënësja e Shtëpisë së Bardhë, Karine Jean-Pierre tha se SHBA nuk e mbështet hetimin e ICC-së për Izraelin pasi nuk ka juridiksion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
