Zyrtarët e Organizatës Botërore të Shëndetësisë u kanë bërë thirrje të rinjve t’i kufizojnë festat, për të ndihmuar në frenimin e koronavirusit. Në kulmin e sezonit turistik, me dëshirën për të shijuar ditët e verës, edhe në Shqipëri nuk kanë munguar grumbullime të tilla masive.
I tillë është rasti që shfaqet në videon e mëposhtme: një festë verore në fundjavë në një nga resortet e Jugut. Nuk ka asnjë element që të bën të mendosh për frikën e infektimit nga koronavirusi, përveç faktit që mbahet gjatë ditës. Ora 20:00 shënon kufirin përtej të cilit muzika nuk duhet të kalojë. Në këto kushte, festa bëhet para kësaj ore. Rreziku është i njëjtë.
Ndërkohë, policia raporton pothuajse përditë për gjobat që u vihen pronarëve të lokaleve që organizojnë dasma. Në thelb, një dasmë nga një festë e tillë, vetëm nga numri i pjesëmarrësve mund të themi se ndryshon.
Të shumtë mund të jenë ata që shohin një paradoks këtu. Dhe nëse ngre pikëpyetjen a janë efektive këto masa, përgjigjen mund ta gjesh sot më shumë se kurdoherë tjetër te të dhënat e ISHP-së: 139 të infektuar, numër rekord që nga 9 marsi, kur u konfirmuan dy rastet e para me koronavirus në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
