Një nënë e cila humbi të bijën në moshën 11-vjeçare nga një sëmundje, ka kërkuar hetim mbi një mjek i cili dyshohet se e akuzoi atë për krijimin e simptomave. Melody Driscoll ndërroi jetë në spitalin King’s College në korrik të vitit 2018, pasi vuante nga një çrregullim i rrallë gjenetik i quajtur “Sindroma Rett”.
Nëna e saj, Karina Driscoll tha se ajo ishte në një betejë të vazhdueshme me mjekët për sasinë e qetësuesve të dhimbjes që kërkon për vajzën e saj. Sipas të ëmës, një mjek pediatër akuzoi familjen se po kërkonte më shumë ilaçe ndërsa ato nuk ishin të nevojshme.
Mjeku, emri i të cilit nuk bëhet me dije për shkak të hetimit, dyshohet se ka akuzuar prindërit për ekzagjerim të simptomave të fëmijës, ndërsa i ka etiketuar në kartelat mjekësore si ‘Fabrikues të Sëmundjeve” (FII), një formë që përdoret për prindërit të cilët shtojnë simptoma të tjera te fëmijët e tyre.
E ëma, Karina thotë se etiketimi si FII e ndjek atë në çdo të dhënë mjekësore edhe pse ndaj saj kjo gjë nuk është provuar. Tashmë ajo po shpreson të pastrojë emrin e saj dhe të mbledh fonde për të paguar një ekip ligjor për t’i përfaqësuar. Ajo u shpreh për mediat e huaja se gjëja që dëshiron të bëjë është që të parandalojë mjekun që ta bëjë këtë sërish me të tjerët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
