Rama i përgjigjet akuzave të opozitës për gjykatat: Më mirë djepi bosh se shejtani brenda!

Kryeministri Edi Rama ka vijuar ti përgjigjet akuzave të opozitës se qëllimisht po lë pa Gjykatë të Lartë dhe pa Kushtetuese vendin.

Në një postim në rrjetin social Facebook kreu i qeverisë shkruan se po operojmë organizma të kancerizuar që e degraduan deri në kockë drejtësinë.

Sipas kryeministrit ky pastrim është shpëtim për dekada e breza që vijnë, pasi sipas tij rilindja e këtyre gjykatave është vetëm çështje e më pak se një viti.

"Po mbetemi pa gjykata të sipërme?Jo! Po operojmë organizma të kancerizuar që e degraduan deri në kockë drejtësinë. Më mirë djepi bosh se shejtani brenda! Ky pastrim është shpëtim për dekada e breza që vijnë, rilindja e këtyre gjykatave është vetëm çështje e më pak se një viti", shkruan Rama.