Në një artikull të shkruar për të përditshmen “Blic”, ministri i Jashtëm serb, Ivica Daçiç, shprehet se do të shihet mundësia vendosjes së kufijve në kohën kur presidenti Aleksandar Vuçiç ka theksuar nevojën e dialogut lidhur me Kosovën.
“Përsmes një marrëveshjeje mes serbëve dhe shqiptarëve, ky mund të jetë një kompromis që kthehet në zgjidhje të përhershme, shoqëruar me një status të veçantë për kishat dhe manastiret e komunitetit serb në zonat e Kosovës jugore. Nëse do të rezultojë e pamundur ose e papranueshme, nuk do të trishtohemi, por të punojmë për gjetjen e një zgjidhjeje afatgjatë”, ka thënë ai.
Sipas Daçiç, dialogu për Kosovën dhe Metohinë po i jep përgjigje pyetjes se sa të matur janë serbët.
“Kosova është pasuria jonë, por jemi ne ata që e përcaktojmë vlerën dhe rëndësinë vetëm me një kusht: atë të të gjitha kushteve të së ardhmes. Nuk duhet të ketë gjak dhe kjo duhet të jetë vija jonë e kuqe”, shprehet ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
