“Fantazmat” e së shkuarës, ish-mbreti i Spanjës në gjyq me ish-të dashurën

Ish-mbreti i Spanjës, Juan Carlos I, është sërish në një betejë gjyqësore në Britaninë e Madhe për të fituar imunitet mbi pretendimet për ngacmime nga ish-e dashura e tij.

Corinna zu Sayn-Wittgenstein-Sayn, 58 vjeç, po kërkon dëmshpërblim për dëmtimet personale nga ish-monarku 84-vjeçar, i cili sundoi Spanjën nga viti 1975 deri në abdikimin e tij në 2014.

Gruaja, e cila jeton në Britani, e ka akuzuar Juan Carlos, që aktualisht jeton në Emiratet e Bashkuara Arabe, për spiunim dhe ngacmim të saj pasi marrëdhënia e tyre u përkeqësua në vitin 2012.

Ajo ngriti një padi për ngacmim në Londër në vitin 2020, duke pretenduar se ai i bëri presion asaj që t'i kthente dhuratat me vlerë 65 milionë euro (65 milionë dollarë), duke përfshirë vepra arti dhe bizhuteri.

Në mars, Gjykata e Lartë në Londër hodhi poshtë pretendimin e tij se një ligj i 1978 në Mbretërinë e Bashkuar nënkuptonte se gjykatat angleze nuk kishin juridiksion për të dëgjuar çështjen sepse ai ka imunitet shtetëror si mbretëror.

Gjykatësi Matthew Nicklin tha se "çfarëdo statusi të veçantë që i pandehuri mbante sipas ligjit dhe kushtetutës së Spanjës, ai nuk ishte më "sovran" apo "kreu i ndonjë shteti" në mënyrë që t'i jepet e drejta e imunitetit personal".

'Agjentët'

Avokatët e ish-mbretit apeluan dhe morën leje për një sfidë ligjore në lidhje me periudhën kur Juan Carlos ishte në fron.

Tre gjyqtarë në Gjykatën e Apelit nisën të martën dëgjimin e argumenteve ligjore. Pas disa javësh pritet një vendim, pas të cilit procesi gjyqësor për ngacmim mund të vazhdojë.

Avokati i zu Sayn-Wittgenstein-Sayn, James Lewis, argumentoi se ankesa duhet të hidhet poshtë, duke pretenduar se ngacmimi i supozuar kishte përfshirë personelin e "inteligjencës dhe mbikëqyrjes" që vepronin si "agjentë" të ish-mbretit.

Seanca vjen pasi ish-e dashura e mbretit e ka diskutuar lidhjen në një seri të re podcast të quajtur "Corinna and the King".

Publikimi i historisë në detaje ka shkaktuar polemika të reja në Spanjë. Podcast ka autorësinë e du gazetarëve me bazë në Londër

Çështja

Parashtresat e gjykatës pretendojnë se Juan Carlos, i cili është i martuar, ishte në një "marrëdhënie romantike intime" me ish-gruan e një princi gjerman nga viti 2004 deri në 2009 dhe e mbuloi atë me dhurata.

Zu Sayn-Wittgenstein-Sayn pretendoi se Juan Carlos filloi ta ngacmonte pasi lidhja e tyre u prish, duke përdorur kërcënime, hyrje në pronat e saj dhe mbikëqyrje.

Juan Carlos "kërkoi kthimin e dhuratave", pretendoi ajo, dhe ajo pësoi "shkelje dhe dëmtime kriminale" në shtëpinë e saj në Anglinë qendrore rurale.

Të shtëna me armë zjarri u qëlluan dhe dëmtuan kamerat e sigurisë në portën e përparme të pronës, pretendoi ajo, duke akuzuar ish-mbretin se ishte i zemëruar me refuzimet e saj.

Marrëdhënia e çiftit u bë publike në vitin 2012, kur monarku theu kockën e legenit ndërsa ishte në gjuetinë e elefantëve në Botsvana me zu Sayn-Wittgenstein-Sayn.

Zbulimi i udhëtimit luksoz, i cili erdhi në kulmin e një recesioni në Spanjë, duke ndezur zemërimin e publikut në vend.

Dy vjet më vonë, i goditur nga skandale dhe probleme shëndetësore, Juan Carlos abdikoi në moshën 76-vjeçare në favor të djalit të tij, Felipe VI, i cili që atëherë është distancuar nga babai i tij.

Juan Carlos u mbrojt për dekada nga popullariteti i tij i madh si një figurë kyçe në tranzicionin e Spanjës drejt demokracisë pas vdekjes së diktatorit Francisco Franco në 1975.

Ekseset e monarkut dolën në dritë vetëm në vitet e fundit të mbretërimit të tij, duke shkaktuar një sërë hetimesh mbi skandalet e korrupsionit.

Juan Carlos u zhvendos në Emiratet e Bashkuara Arabe në vitin 2020.

Ai dhe djali i tij morën pjesë në funeralin shtetëror të Mbretëreshës Elizabeth II në shtator dhe u ulën së bashku.

Juan Carlos, i listuar në gjykatë me emrin e tij të plotë Juan Carlos Alfonso Victor Maria De Borbon y Borbon, nuk është paraqitur në asnjë seancë deri më tani dhe mohon ashpër çdo akuzë.