Pesë anëtaret e “Spice Girls” janë ribashkuar. Të shtunën mbrëma, Victoria Beckham, Melanie Broën, Emma Bunton, Geri Horner dhe Melanie Chisholm, e njohur më mirë si Posh, Scary, Baby, Ginger dhe Sporty Spice, u mblodhën për të festuar 50-vjetorin e Viktorias në Londër.
David Beckham e ndau momente nga ditëlindja në Instagram teksa vajzat këndonin si të ishin kthyer pas në kohë.
Përpara festës, Victoria ndau një seri fotosh në Instagram të familjes së saj, duke përfshirë burrin e saj dhe katër fëmijët e çiftit - Brooklyn, Romeo, Cruz dhe Harper.
"Mezi pres të festoj me familjen dhe miqtë e mi! Ju dua shumë të gjithëve", shkruante ajo.
Beckham dhe tre djemtë e tij ishin të gjithë të veshur me smoking. Victoria zgjodhi një fustan jeshile të çelur, ndërsa Harper kishte veshur një fustan krem të gjatë deri në dysheme.
Spice Girls u krijua në vitin 1994, pasi iu përgjigjën një reklame për kandidatët për të formuar një grup vetëm vajzash.
Pas publikimit të këngës së tyre debutuese Wannabe në krye të listës në 1996, "Spice mania" përfshiu planetin, me mantrën e tyre të vetëquajtur "Girl Power" - një markë e fuqizimit të femrave që i bëri ato një fenomen global të kulturës pop.
Geri Halliwell u largua nga Spice Girls në 1998 dhe grupi u nda në 2001. Por ato u ribashkuan për turne në 2007 dhe një performancë në ceremoninë e mbylljes së Lojërave Olimpike në Londër në 2012. Një turne evropian u zhvillua në 2019, por pa Victoria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
