Presidenti ukrainas Volodymyr Zelenskiy ka komentuar ofensivën gati dy javore në rajonin rus të Kursk, duke thënë se trupat e tij po përmbushin objektivat e tyre.
“Ne jemi duke arritur qëllimet tona. Sot në mëngjes kemi një tjetër rimbushje të fondit të këmbimit (të robërve të luftës) për vendin tonë”, tha ai.
Zelenskyy tha se inkursioni ushtarak në rajonin Kursk të Rusisë synon të krijojë një zonë neutrale për të parandaluar sulmet e mëtejshme nga Moska përtej kufirit.
Më parë, ai ka deklaruar se operacioni kishte për qëllim mbrojtjen e komuniteteve në rajonin kufitar Sumy nga bombardimet e vazhdueshme.
Kievi dërgoi trupa mbi kufirin më 6 gusht, sulmi më i madh që nga pushtimi i plotë i Ukrainës nga Moska në shkurt 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
