Skandalet seksuale kërcënojnë qeverinë britanike. Ministri i Mbrojtjes, Michael Fallon, është emri i parë, ndaj të cilit akuza ka qenë konkrete. Ai i ka future duart një gazetareje, ndërsa kjo e fundit e ka kërcënuar se do t’i jepte një grusht turinjve nëse nuk ndalonte. Episodi ka ndodhur 15 vjet më parë dhe në atë kohë Fallon i ka kërkuar falje gazetares. Por skandali kërcënon sërish qeverinë e kryeministres Theresa May. Mes emrave të përfshirë është edhe Damian Green, numri dy i qeverisë britanike. “Mail Online” shkruan se edhe ministra të tjerë janë në listën e atyre që janë përfshirë në skandale seksuale.
Gjithçka nisi disa ditë më parë, kur gazetarja Julia Hartley Brewer rrëfeu episodin e ndodhur 15 vjet më parë me ministrin Fallon në darkën pas konferencës së partisë. Por këto detaje kanë vënë në siklet qeverinë. Në Westminster qarkullon një dosje, me listën e politikanëve dhe femrave të dëmtuara. Lista e hartuar nga asistentët parlamentarë përfshin të paktën 40 emra, mes të cilëve të paktën 6 janë pjesë e qeverisë aktuale. Deputetët kanë nisur të flasin për një gjueti shtrigash, ndërsa gazetat britanike nuk hezitojnë të ngrenë pikëpyetjen nëse qeveria e brishtë e kryeministres May do t’i mbijetojë një skandali seksual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
