Vdekja e biznesmenit rus Nikolai Glushkov po hetohet si vrasje nga policia e Mbretërisë së Bashkuar.
Biznesmeni rus në arrati, i njohur si kritik i Putin, u gjet i vdekur në tualetin e apartamentit të tij në Londër tre ditë më parë.Në qafë mbante një shallë.
Policia thotë se Glushkov vdiq nga "ngjeshja në qafë". Policia kundër terrorizmit, e cila ka udhëhequr hetimin që në fillim, tani po e trajton vdekjen si vrasje.
Sipas policisë, në këtë fazë të hetimeve nuk ka prova që lidhin vdekjen me incidentet në Salisbury.
Glushkov, 68 vjeç, u gjet i vdekur në shtëpinë e tij në jug të Londrës të hënën e kaluar. Vdekja erdhi një javë pasi ish spiun rus Sergei Skripal dhe vajza e tij Julia mbetën të sëmurë rëndë nga një helmim i agjentëve nervor në qytetin Salisbury.
Detektivët janë duke analizuar me hollësi çdo informacion që do të ndihmojë hetimin, ata thonë se hetuesit e antiterrorizmit po udhëheqin rastin “për shkak të shoqatave që Glushkov besohet të kenë pasur”.
Glushkov ka qenë ish-zëvendës drejtor i linjës ajrore ruse Aeroflot. Ai u burgos në vitin 1999 për pesë vjet pasi u akuzua për pastrim parash dhe mashtrim.
Glushkov ishte një bashkëpunëtor i Boris Berezovskit, një oligarku rus dhe kritik i Kremlinit i cili vdiq në rrethana të diskutueshme në vitin 2013.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
