Dy ton kokainë e sekuestruar dhe mijëra doza të shitura në qytetet italiane në vlerën e miliona eurove është bilanci i operacionit Boca del Rio.
Hetimet e SPAK dhe Policisë Italianë përfshi skuadrën Interforza nisën në vitin 2021, ndërsa pas këtij rrjeti qëndrojnë grupet kriminale shqiptare.
Pa u mbushur 72 orë nga kthimi i prokurorëve të SPAK nga Brazili, një grup i fuqishëm i narkotrafikut me aktivitet në Amerikën Latine u godit në Shqipëri.
Në kuadër të Operacionit “Bocha Der Rio” emër i një qyteze në Meksikë në bashkëpunim me italianët dhe të dhënat e përftuara nga komunikimet sekrete Sky, u bë bastisja.
Hetimet kanë nisur tre vite më parë, ndërsa Interforzë, Policia Italiane ajo shqiptare dhe agjentët e SPAK sekuestruan tonelata kokaine dhe sende me vlerë.
“Nga kontrollet sekuestrohen 20 000 euro, 52 ora të markave të ndryshme, 1 automjet, 7 celularë, kontrata noteriale dhe dokumente të tjera”, njoftoi policia.
Në qytetin e Kavajës dhe Pukës u prangosën me qëllim ekstradimin në Itali, Juljan Kollçaku 34 vjeç, banues në Kavajë dhe Maksim Ndoci 30 vjeç, banues në Pukë, të akuzuar nga Gjykata e Firences, për trafikim të lëndëve narkotike, kryer në kuadrin e grupit të strukturuar kriminal.
Ky grup kriminal sipas hetuesve në 6 vite duke nisur nga viti 2018 kanë trafikuar në Itali në qytete si Pisa, Romë, Livorno, Venecia, Firence sasi të konsiderueshme kokaine.
Emisioni “FactCheck” sjell ekskluzivisht pamjet e kokainës të sekuestruara e cila ishte e ambalazhuar në kuti Banana Premiun dhe etiketën Boss.
Kollçaku dhe Ndoci janë lënë në qeli edhe me vendim të gjykatës së posaçme ndërsa pritet ekstradimi i tyre drejt Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
