Në testamentin e tij, Yevgeny Prigozhin, ish-kreu i grupit Wagner, ia ka kaluar të gjitha pasuritë e tij djalit të tij 25-vjeçar Pavel, i cili gjithsesi do të duhet të bëjë një “dhurim të aksioneve” të paspecifikuar dhe të ndajë trashëgiminë me familjen e tij.
Dokumenti, i cili po bën xhiron e grupeve të Telegramit dhe që duket të jetë i fundit i firmosur nga Prigozhin, është parë nga media investigative The Insider.
Duke shtuar të ardhurat e kompanive me vlerën e pronave, djali i ish-shefit të Putinit duhet të marrë “rreth 12 miliardë rubla (116 milionë euro)”, një vlerësim i ngjashëm me atë të bërë nga Business Petersburg në 2019, i cili fliste për një pasuri prej 14.6 miliardë rubla.
Pa marrë parasysh borxhin midis 75 dhe 80 miliardë rubla (rreth 785 milionë euro) që Ministria e Mbrojtjes ka kontraktuar me kompanitë e Prigozhin dhe të cilin Pavel do të ishte i gatshëm t’i shlyente.
Por sipas asaj që raporton The Insider, Pavel Prigozhin do të duhet të luajë edhe rolin e donatorit në bazë të një “marrëveshjeje premtimi për dhuratën e aksioneve”, në dokument, por nuk specifikohet se cilat janë këto aksione, dhe cilit do t’i duhet t’ia dhurojë ato.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
