Gjykata e Lezhës ka pranuar kërkesën e prokurorisë për të marrë kampionet e ADN-së së ish-efektivit të Reneas, Remal Rada dhe Elton Hithit. Mostrat u janë marrë dy të dyshuarve ditën e sotme. Organi i akuzës në Lezhë kërkon që të krahasojë ADN-në me gjurmët e ADN-në e gjetur tek snapjeri që u përdor gjatë ekzekutimit të Kastriot Reçit në 7 janar 2020. Prokuroria e Lezhës ka dyshime se Rada dhe Hithi mund të kenë informacion se ku është marrë snajperi që u përdor për të vrarë Reçin. Mostrat e ADN-së u janë marrë dy të dyshuarve në paraburgimin 313-s.
Kastriot Reçi u ekzekutua me snajper nga largësia, në momentin që sapo kishte zbritur nga makina, në qendër të Rrëshenit. Ngjarja ndodhi më 7 janar 2020. Reçi, një emër i njohur në qytetin verior, nuk ishte person i skeduar nga policia, por emri i tij lakohej për trafik droge. 47-vjeçari ishte pronar i një televizioni me seli në Lezhe “Media Plus” dhe një bar-kafe në Rrëshen me emrin “Mirdita”.
Rada dhe Hidhi u arrestuan katër ditë më parë gjatë operacionit të koduar “Double strike”. Në makinën e Radës, ish-efektiv i RENEA-s, u gjet një snajper, ndërsa në shtëpinë e tij u gjet një armë zjarri pistoletë, 13 pajisje të ndryshme fiksuese dhe shtrënguese si ato të armëve, municion luftarak, këllëf pistolete, 2 radio policie, një aparaturë valësh, dy elektrikë dore, njëri prej tyre me mbishkrimin “Policia”, 4 thika, targa shqiptare dhe të huaja, jelek multifunksional me mbishkrimin “RENEA”, shënjestër optike, 15 aparate celulare dhe sende të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
