Një automjet që drejtohej nga një vajzë në gjendje të dehur ka përfunduar brenda një karburanti në autostradën Tiranë-Durrës gjatë natës së shkuar.
Sipas njoftimit të policisë, ngjarja ka ndodhur rreth orës 23:40,në autostradën Durrës–Tiranë, te një karburant, ku Sadjona Dervishi, nga Durrësi, duke drejtuar automjetin tip Benz ka humbur kontrollin e mjetit duke u futur brenda në karburant dhe më pas është përplasur me reklamat e tij.
Për pasojë është dëmtuar vetë e reja, e cila ndodhet në Spitalin Rajonal Durrës nën kujdesin e mjekëve.
Gjatë testit të alkoolit rezultoi se S.Dervishi ishte në gjendje të dehur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
