Ministri i Jashtëm i Gjermanisë, Heiko Maas, ka paralajmëruar Izraelin se plani i tij për të filluar aneksimin e pjesëve të Bregut Perëndimor do të shkelte ligjin ndërkombëtar. Megjithatë, Maas nuk pranoi të thotë se cila do të jetë përgjigjja e Gjermanisë ose Evropës nëse Izraeli e bën një hap të tillë.
Maas e këri këtë paralajmërim gjatë vizitës së tij në Jeruzalem të mërkurën, vetëm disa javë para se Izraeli, të vënë nën kontrollin e tij zonat e territorit palestinez ku ndodhen vendbanimet e paligjshme izraelite, në përputhje me një propozim të presidentit amerikan Donald Trump që ai e quajti një "plan të Lindjes së Mesme".
Maas tha se Gjermania dhe Bashkimi Evropian "kërkojnë dialog" me Izraelin. Por ai e bëri të qartë se Evropa e konsideron aneksimin jo të pajtueshëm me ligjin ndërkombëtar.
"Nuk mund të them sa do të kushtojë kjo. Ne jemi në marrëveshje në BE-në, e cila kërkon dialog. Sot, jam në Izrael për t’u informuar mbi planet e qeverisë së re", tha Maas.
Plani i aneksimit është kritikuar ashpër nga disa prej aleatëve më të ngushtë të Izraelit, përfshirë Gjermaninë, të cilët thonë se ripërcaktimi i njëanshëm i hartës së Lindjes së Mesme do të shkatërronte çdo shpresë për krijimin e një shteti palestinez dhe arritjen e një marrëveshje paqeje mes Izraelit dhe Palestinës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
