Ambasada amerikane në Shqipëri ka lajmëruar se do të ketë lehtësime në procedurën e aplikimit për shtyrje vize. Sipas njoftimit të dhënë në rrjetet sociale (Facebook), ata që u skadon viza 12 muajt e fundit mund të aplikojnë online lehtësisht. Programi është i disponueshëm për ata që kanë viza të vlefshme ose që sapo u ka skaduar.
Njoftimi:
“Vera është gjithmonë një kohë e ngarkuar me udhëtime, prandaj dhe ju duhet të prisni më gjatë për një takim për vizë. Nëse viza juaj amerikane turistike e mëparshme skadon brenda 12 muajve të fundit, atëherë ju mund të kualifikoheni për programin tonë të rinovimit të vizës me postë. Ky program është i hapur për njerëzit me viza ende të vlefshme ose të skaduara së fundmi, të cilët nuk janë dëbuar nga Shtetet e Bashkuara dhe që nuk kanë të dhëna kriminale. Nëse i përmbushni kriteret, ju mund të anashkaloni qëndrimin në radhë për vizë! Përdorni programin tonë të rinovimit të vizës me postë!”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
