Kryeministri izraelit Benjamin Netanyahu i tha presidentit francez Emmanuel Macron se njohja e Palestinës si shtet do të ishte një fitore për Hamasin dhe Iranin.
“Gjatë një bisede telefonike me Macron këtë të martë, Netanyahu shprehu kundërshtimin e tij ndaj krijimit të një shteti palestinez dhe tha se ky do të përbënte një fitore për terrorizmin", shkruhej në deklaratën për mediat.
Sipas liderit izraelit, një shtet palestinez i krijuar pak minuta larg qyteteve izraelite do të bëhej një bastion iranian i terrorizmit.
Të mërkurën e kaluar, Macron tha se Franca mund të njohë një shtet palestinez në muajt e ardhshëm.
"Unë nuk po e bëj për unitet, apo për të kënaqur këtë apo atë person. Po e bëj sepse në një moment do të jetë e drejtë", tha Macron gjatë një interviste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
