Kryeministri i Spanjës Mariano Rajoy ka folur nga Brukseli për masat e jashtëzakonshme që do të ndërmarrë Madrid për të pezulluar autonominë e këtij rajoni si përgjigje ndaj referendumit mbi pavarësinë.
Kemi arritur një situatë limit në Katalonjë, Nesër do të merren masa për të vendosur sundimin e drejtëpërdrejtë të Katalonjës, tha kryeminsitri spanjoll.
“Do të kuptoni së është e vështirë për një vend, për një qeveri të BE-së, të shkelet ligji, të shkelet shteti i së drejtës, duke organizuar një referendum vetëvendosje pavarësisht ndalimit të tij nga drejtësia”, theksoi Rajoy në përfundim të një samiti të BE-së në Bruksel.
“Ne kemi qenë shumë të kujdesshëm, ne jemi përpjekur me të gjitha mënyrat që të mos shkojmë në një situatë të vështirë”, theksoi shefi i qeverisë spanjolle, që refuzoi të tregojë se çfarë masash do të marrë qeveria e tij të shtunën për të ri sjellë ligjin dhe normalitetin institucional në Katalonjë.
Duke pezulluar autonominë e rajonit, sikurse e parashikon një artikull i Kushtetutës ende i papërdorur, Madridi shpreson të rimarrë në dorë situatën në këtë rajon ku jetojnë 16 për qind e spanjollëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
