Kryeministri shqiptar Edi Rama ka bërë të ditur se parlamenti do të miratojë të ashtuquajturën ‘paketa anti-shpifje’ më 19 dhjetor.
Ndërkohë ky ligj duket se ka gjetur kundërshtimin edhe të shoqatae ndërkombëtare, të cilat shprehin rezervat e tyre. Federatat Evropiane dhe Ndërkombëtare të Gazetarëve (EFJ/IFJ) mbështetën thirrjet e degës së tyre në Shqipëri (APJA) për të hequr dorë nga dy projektligjet që kërcënojnë lirinë e shprehjes dhe të medias.
Nëse miratohen, amendamentet e Ligjit për Median Audiovizuale dhe të Ligjit për Komunikimin Elektronik do t’u jepnin organeve qeveritare-Autoriteti Shqiptar i Medias (AMA) dhe Autoriteti i Komunikimeve Elektronike dhe Postare (AKEP)-fuqinë për të bllokuar në çast faqet e medias online dhe për të vendosur gjoba të larta për çdo shkelje të dinjitetit e privatësisë. Ndryshimet në ligje do të sillnin edhe kërkesa të detyrueshme regjistrimi për median online.
Në një deklaratë të përbashkët, EFJ dhe gjashtë organizata për lirinë e shtypit paralajmëruan se ‘propozimet nuk janë në linjë me praktikat më të mira për rregullore të brendshme dhe do të kenë impakt të kundërt në lirinë e shprehjes në Shqipëri’.
Ne refuzojmë çdo ligj që parashikon kërkesa regjistrime dhe iu jep rregullatorëve fuqinë për të bllokuar median elektronike dhe për të vendosur gjoba. Ne kërkojmë tërheqjen e projektligjeve”, thuhet në njoftimin e EFJ.
Frika për mungesën e pavarësisë dhe gjobat e larta të vendosura pa kontroll gjyqësor janë ndër parashikimet shqetësuese të nënvizuara nga OSBE në raportin ligjor të publikuar më 9 dhjetor. Përfaqësuesi i OSBE për Lirinë e Medias, Harlem Désir, paralajmëroi se ‘gjoba të tilla mund të çojnë në mbylljen e medias dhe shihen si presion indirekt’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
