Zgjedhjet finale europiane nisën të premten në Mynih të Gjermanisë ku kancelarja Angela Merkel u prit mjaft mirë.
Kandidati kryesor Manfred Weber, u shpreh për një betejë mes nacionalistëve dhe populistëve dhe tha se: "Ajo çka duket në horizont ka të bëjë shumë me tregtinë, Brexit-in (i cili rrit pasigurinë) dhe sjelljen e presidentit amerikan Donald Trump. Prandaj, ne europianët duhet ta kemi të qartë pozicionin tonë”.
Kancelari austriak Sebastian Kurz e mbajti fjalën e tij nëpërmjet një video-konference, për shkak të skandaleve të fundit të ndodhura në vend.
Në Barcelonë, kandidati kryesor i Partisë së Socialistëve Europianë, Frans Timmermans, i cili ka bërë fushatë me kryeministrin e vendit, Pedro Sanchez, tha se fitorja e partisë së tij në Holandë është një shtysë për fitoren e socialistëve kudo në Evropë.
Gjer më tani, presidencën e Komisionit, të Këshillit dhe të Parlamentit Europian e ka pasur qendra e djathtë, një monopol ky që socialistët dhe liberalët kanë shpresa ta thyejnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
