Në kërkim për vrasjen e Edmond Papës, në pranga Andrew Bode. Arrestohet edhe Adriatik Kalemi

Policia ka arrestuar në Gjirokastër një 45-vjeçar i cili ishte në kërkim për vrasjen e Edmond Papës. 

Edvin alias Andrew Bode konsiderohej person me rrezikshmëri të lartë shoqërore.

Në pranga ra edhe Adriatik Kalemi, të cilit para pak javësh i vranë babain në një lokal, dhe akuzohet për disa ngjarje kriminale.

Po ashtu mes të arrestuarave është edhe Julian Kalemi. 

Kujtojmë që 49-vjeçari Edmond Papa u qëllua në zonën e Selitës në Tiranë, dhe ndonëse u dërgua në spital, por nuk arriti që t’u mbijetonte plagëve të marra.

Edmond Papa ishte me precedent në Greqi, i dënuar për trafik droge si dhe i skeduar më parë në Britani të Madhe.

Gjatë operacionit "Plani" në Memaliaj nga DVP Gjirokastra në bashkëpunim me Forcat Speciale "RENEA" u arrestuan shtetasit:

1. Edvin alias Andrew Bode (shtetasi në kërkim)

2. Julian Kalemi

3. Andrea alias Adriatik Kalemi