Ish-kryetari i degës së Partisë Demokratike në Shkodër, Xhevdet Amuli, zgjodhi të mos i bashkohet takimit që Sali Berisha mbajti sot me demokratët e Shkodrës. I shprehur hapur kundër Komisionit të Rithemelimit, Amuli tha në një lidhje Skype se nuk mund t’u bashkohet takimeve që Berishës i shërbejnë për interesa personale.
E kam shprehur që në fillim qëndrimin tim kundër foltores. Nuk kisha arsye të marr pjesë në takimin e sotëm. Nuk kam marrë pjesë në takime të tilla. Rithemelim nuk mund të ketë me ata që kanë pasur pushtet mëse 30 vite. Ai ka hallet e tij dhe po ë bën për vete. Këto zgjedhje po shkojnë me një kandidaturë. PD është në një dilemë që nuk ka qenë asnjëherë. Baltosja që i është bërë gjithë PD dhe gjithë atyre që nuk e mbështetën foltoren. Kjo nuk i shërben për mirë PD-së.
Sipas Amulit, përballja e Berishës me non gratën po thellon krizën e demokratëve.
Përballja e Berishës me DASH është si të kalosh Himalajat në këmbë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
