Avokatët e Eminem i kanë dërguar një letër kandidatit republikan për President të SHBA-ve, Vivek Ramaswamy, duke i kërkuar këtij të fundit të mos repojë më këngët e Eminem.
Letra vjen më shumë se një javë pasi sipërmarrësi i bioteknologjisë dha një performancë të improvizuar të Lose Yourself në Panairin Shtetëror të Iowa-s.
Letra, e datës 23 gusht, u dërgua nga kompania diskografike e Eminem, BMI.
Ramaswamy po konkurron për të rrëzuar Donald Trump si kandidati i nominuar republikan për vitin 2024.
Një zëdhënëse e Ramaswamy tha se ai do të përmbushë kërkesën e Eminem, emri i vërtetë i të cilit është Marshall Mathers III.
Letra thotë se kompania "mori një komunikim nga" Eminem që kundërshtonte përdorimin e "kompozimeve të tij muzikore" nga republikani.
“BMI do të konsiderojë çdo performancë të veprave të Eminem nga fushata 'Vivek 2024' nga kjo datë e tutje si një shkelje materiale”, thuhet në letër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
