Pyetjes nëse Gramoz Ruçi dhe Lefter Koka u tërhoqën për të shmangur një shpallje të mundshme “non grata nga SHBA”, gazetari Ylli Rakipi iu përgjigj "po" i bindur.
Nga studio e lajmeve të MCN TV, Rakipi tha se si Ruçi i si Koka janë “rrëzuar nga kali” nga partia e vet politike. Rakipi shtoi se rasti i Kokës ishte flagrant edhe pse cilësoi se e dinte këtë një ,muaj më parë, ndërkohë që Ruçi sipas tij e mbylli më me nder karrierën në një moshë shumë të madhe.
“Padyshim. Dhe këto para shpallen ose rrëzohen nga kali, nga vetë forca politike që i ka, sepse ata i njohin mirë. Ruçi e mbylli më me nder sepse e mbylli karrierën në një moshë shumë të madhe. Ndërsa Koka është rast flagrant. Unë e dija një muaj më parë, njerëz të lidhur në njëfarë koalicioni me Ramën ma kishin thënë që do të ndodhte një gjë me Kokën”, tha Rakipi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
