Dy diploma në inxhineri informatike dhe matematikë dhe një përvojë si aktor e lënë pas krahëve. Ruggero Freddi është docent në Universitetin “La Sapienza”, në Romë.
Ditët e fundit, në profilet e studentëve të tij në “Facebook” është postuar një video, në të cilën ai shfaqet teksa stërvitet në palestër. Pikërisht kjo video është bërë shkak për zbulimin e të shkuarës së tij “sekrete”, karrierën në filma porno në SHBA.
Me pseudonimin Carlo Masi, ai ka qenë pjesë e kastit të filmave me drita të kuqe. Por studentët e kanë marrë me sportivitet këtë lajm. Ata thonë se janë të kënaqur që kanë një profesor “me shumë tru dhe muskuj”.
Freddi e pranon se ka luajtur në filma të tillë në rininë e hershme dhe më pas ka vendosur që paratë e fituara t'i investojë në formimin e tij profesional, që e ka çuar në majën e karrierës si profesor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
