“Facebook” tha të martën se shpërthimi i koronavirusit ka reduktuar shitjet nga reklamat edhe pse më shumë përdorues po kalojnë kohë në rrjetin social për shkak të bllokimeve lidhur me koronavirusin.
"Ne nuk fitojmë para nga shumë shërbime ku ka një angazhim të shtuar dhe kemi parë një dobësim në biznesin tonë të reklamave në vende që ndërmarrin veprime agresive për të zvogëluar përhapjen e COVID-19", tha kompania në një deklaratë.
Aksionet në Facebook kanë rënë me rreth 1% disa orë pasi pati një rritje prej 8,7% të tregtisë së rregullt.
Ndërmarrja tha se mesazhet nëpër platformat e saj ishin rritur më shumë se 50% gjatë muajit të fundit në shumë prej vendeve të prekura më keq. Në Itali posaçërisht, përdoruesit kanë kaluar 70% më shumë kohë në aplikacionet e tij.
Thirrjet në grup me tre ose më shumë pjesëmarrës u rritën me mbi 1000% në Itali në muajin e fundit.
“Facebook” refuzoi një kërkesë nga “Reuters” për komente se cili saktësisht nga tregjet e tij po përjetonte ndikim negativ të biznesit ose madhësinë e këtij ndikimi.
Shumë reklamues kanë tërhequr buxhetet e marketingut për të përmirësuar kostot për shkak të pasigurisë së lidhur me virusin. Disa prej tyre ngurrojnë dukshëm që të reklamojnë nga frika e lidhjes së markave të tyre me temën e ndjeshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
