Franca do t'i ndalojë fëmijët të veshin abaja-n, mantelin e gjatë të veshur nga disa gra muslimanenë shkollat publike, ka thënë ministri i Arsimit i vendit përpara sezonit të kthimit në shkollë.
Franca, e cila ka zbatuar një ndalim të rreptë të simboleve fetare në shkollat shtetërore që kur ligjet e shekullit të 19-të hoqën çdo ndikim tradicional katolik nga arsimi publik, ka luftuar të përditësojë udhëzimet për t'u marrë me një pakicë myslimane në rritje.
Shkollat publike franceze nuk lejojnë mbajtjen e kryqeve të mëdhenj, kipave hebreje apo shamive islamike.
Në vitin 2004, vendi ndaloi shamitë në shkolla dhe në vitin 2010, miratoi një ndalim të mbulesës së plotë të fytyrës në publik, duke zemëruar shumë në komunitetin e tij musliman prej pesë milionë banorësh.
“Kam vendosur që abaja nuk mund të vishet më në shkolla”, tha ministri i Arsimit Gabriel Attal në një intervistë për kanalin televiziv TF1. “Kur hyni në një klasë, nuk duhet të jeni në gjendje të identifikoni fenë e nxënësve vetëm duke i parë ata", shtoi ai.
E djathta dhe e djathta ekstreme nxitën ndalimin, për të cilin e majta argumentoi se do të cenonte liritë civile.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
