Lideri i opozitës ruse, Alexei Navalny, është liruar të dielën pas 20 ditëve burg, ku u mbajt për akuzat për organizimin e protestave jolegale muajin e kaluar.
Navalny ishte në burg që nga 24 shtatori kur përfundoi ndalimin e parë 30 ditor nga autoritetet, për planifikimin e një proteste në janar.
Navalny, 42 vjeç, prej kohësh është fytyra më e shquar e opozitës ruse ndaj presidentit Vladimir Putin.
Ai ka bërë thirrje për protesta mbarëkombëtare kundër planeve të qeverisë për të rritur moshën e pensionimit në Rusi - një reformë kjo e papëlqyeshme që ka rritur pakënaqësitë me autoritetet.
Navalny e ka cilësuar partinë e Putinit si vend të "mashtruesve dhe vjedhësve", e ka akuzuar sistemin e presidentit për, siç ka thënë, "thithjen e gjakut nga Rusia" dhe është zotuar për shkatërrimin e "shtetit feudal" që po ndërtohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
