Publikohen pamjet e arrestimit të grabitësve në Fier, ishin fshehur nëpër ferra (VIDEO)

Pas grabitjes, autorët janë larguar me një makinë, ndërsa policia është lajmëruar menjëherë për ngjarjen, duke u vënë në ndjekje të tyre.

Makina e grabitëseve është pikasur nga policia, çka ka bërë që Zini Fyrja nga Vlora, njëri prej autorëve, të braktisi makinën dhe të hidhet në lumë për t’i shpëtuar arrestimit.

Por, manovra e tij ka dështuar, pasi blutë e Fierit kanë qenë shumë afër, duke e neutralizuar dhe i vendosur prangat.

Atij i është sekuestruar edhe çanta me lekët që kishte marrë në Exchange, ndërsa blutë, pas 1 ore ndjekje, kanë vënë në pranga edhe autorin e dytë, Lulëzim Demirajn si dhe shoferin e makinës me të cilën grabitësit janë larguar nga vendi i ngjarjes.

Nga pajmet duket se janë përfshirë një numër i madh forcash policie në këtë aksion, i cili në një kohë rekord solli dhe vënien në pranga të përgjegjësve.

Armët e përdorura prej grabitësve, kallashnikovë janë në tokë ndërsa të hedhura në ferra janë kapuçët dhe dhe rrobat që u bërdorën për grabitjen. Brenda makinës ndodhet edhe çanta me paratë e grabitura.

Në momentin e parë, pronari i pikës së këmbimit valutor, Gëzim Hoxha, dhe i afërmi i tij, Agur Venozi, janë përleshur me autorët, çka ka bërë që grabitësit të qëllonin në drejtim të tyre, duke i lënë të plagosur.

Të plagosurit ndodhen në gjendje të rëndë për jetën, kur pritet edhe transportimi i tyre drejt Tiranës për një mjekim më të specializuar.