Pas incidenteve në Veri të Kosovës ku mbetën të lënduar 5 policë dhe u dëmtuan 4 automjete, ka reaguar ambasada e SHBA-ve në prishtinë. Ambasadori Jeff Hovenier, ka theksuar se dhuna e sotme në veri duhet të ndalohet menjëherë.
“SHBA-ja dënon aksionin e ndërmarrë nga autoritetet e Kosovës për t’iu qasur objekteve komunale në veri të Kosovës. Masa e dhunshme sot duhet të ndalohen menjëherë”, ka shkruar Hovenier në Twitter.
Sot kryetarët e rinj të komunave në Leposaviç, Zubin-Potok dhe Zveçan tentuan të hynin në ndërtesat komunale, një ditë pas betimit. Por qytetarët serbë bllokuan hyrjet duke shkaktuar trazira. Mësohet se dy nga kryetarët kanë hyrë në ndërtesa deri më tani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
