Kreu i PD-së, Lulzim Basha, e cilëson projekt kriminal që ka për qëllim pastrimin e parave të drogës buxhetin e vitit 2018. Në fjalën e tij në seancën e sotme, Basha tha se e vetmja mënyrë për të këputur lidhjet e politikës me krimin është duke ndaluar votimin e buxhetit.
“Ka hotele me 5 yje në Shqipëri, ti dhe ministrant e tu i njohin shumë mirë. E di ti si janë ndërtuar. Nuk ka investitorë të huaj që vijnë t’i ndërtojnë. Ka para të pista që vihen në emër të ndonjë pensionisti. Ta ndalim këtë buxhet, të shkëpusim lidhjet e krimit me politikën, t’i kthejmë legjitimitetin kësaj salle. Të fillojmë t’i vëmë kufirin te thana krimit dhe kriminelëve. Hapi i parë është të ndalojmë këtë projekt kriminal”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
