Takimi i aleatëve Rama dhe Meta është pasuar me një tjetër takim aleatësh në kampin e djathtë paraditen e sotme. Pas takimit të kryeministrit Rama me kryetarin e Kuvendit, Meta, takim i cili përfundoi me një thirrje të maxhoranës për dialog me opozitën, edhe kreu i PD-së ka thirruar aleatët e vet. Basha ka nisur rreth mesditës një takim me krerët e partive aleate në selinë e PD-së.
Takimi i Bashës me aleatët vjen pas një takimi që ai pati me kreun e grupit parlamentar democrat, Edu Paloka, nënkryetarin e Kuvendit, Edmond Spaho dhe deputeten Majlinda Bregu.
Sot paradite, maxhoranca shprehu gatishmërinë për dialog me opozitën në të mirë të çuarjes përpara të reformave me interes kombëtar e publik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
