Ish-ambasadorja Nikki Haley, ish-përfaqësuese e Shteteve të Bashkuara të Amerikës në Kombet e Bashkuara, thotë se Kina dërgon shumë para në Iran, të cilat merren dhe dërgohen te përfaqësuesit e tij, dhe më pas përdoren për të financuar terrorizmin.
Në një intervistë për gazetën “Israel Hayom”, si pjesë e vizitës së saj të parë në Izrael, Haley sulmoi Kinën, duke thënë se blerja e naftës iraniane nga Pekini i lejon Teheranit që të vazhdojë financimin e programit të saj bërthamor, si dhe aktivitetet e organizatave shiite që veprojnë në emër të saj në Lindjen e Mesme.
“Sanksionet duhet të ndiqen dhe respektohen. Kina dërgon shumë para në Iran, të cilat merren dhe dërgohen te përfaqësuesit e tij”, tha ish-ambasadorja, duke nënvizuar nevojën për të rivendosur të gjitha sanksionet ndaj Iranit të pezulluara nga administrata Biden.
“Autoritetet iraniane i përdorin paratë për të financuar terrorizmin dhe programin e tyre bërthamor, dhe jo për të mirën e qytetarëve”, vuri në dukje Haley gjatë intervistës e cila do të publikohet e plotë të premten më 31 maj.
Ata gënjejnë, mashtrojnë dhe do të bëjnë gjithçka që duhet, duke iu afruar gjithnjë e më shumë një bombe bërthamore. Dhe tani ata janë shumë afër nesh.
Ish-ambasadorja, nënvizoi nevojën për të ndjekur penalisht anëtarët kryesorë të Korpusit të Gardës Revolucionare Islamike, në mënyrë që Irani të kuptojë çfarë do të thotë të dobësohesh.
Nuk mendoj se do të hyjmë në një luftë të plotë në Iran. Nuk po flasim për këtë. Por duhet të dërgojmë një mesazh.
Ish-ambasadorja amerikane bëri gjithashtu akuzën e rëndë se Rusia i ka dhënë informacion Hamasit, duke e lejuar që të kryejë sulmin kundër Izraelit më 7 tetor.
Ne e dimë se inteligjenca ruse ishte e përfshirë në ndihmën e Iranit dhe Hamasit të bënin atë që bënë.
Mendoj se është shumë e rëndësishme që njerëzit të dinë se Rusia po përpiqet të mbajë të dyja anët e historisë, por nuk mundet.
Inteligjenca ruse u përdor për të marrë informacion mbi bazat izraelite dhe duhet të mbahet përgjegjës.
Ata mund ta mohojnë gjithçka që duan, por inteligjenca ruse ishte e përfshirë.
Hamasi nuk do të kishte pasur të gjithë informacionin e nevojshëm për sulmin.
Më tej, ish-ambasadorja vuri u shpreh se para 7 tetorit, Rusia ishte në telashe me Ukrainën.
Ajo kishte humbur 87 për qind të forcave të saj luftarake që nga fillimi i luftës dhe e rriti moshën e tërheqjes në 65 vjeç.
Ata nuk fituan në pesë ditë siç mendonin. 7 tetori, gjithashtu data e lindjes së Vladimir Putinit, ishte ditëlindja më e mirë që presidenti rus ka pasur ndonjëherë.
Sepse papritmas amerikanët dhe perëndimi filluan të shikojnë Izraelin. Sytë e botës u larguan nga Rusia dhe Ukraina dhe drejt Lindjes së Mesme.
Gjatë intervistës, ish-ambasadorja Haley tha se Izraeli duhet të injorojë kufizimet e Presidentit Joe Biden në lidhje me luftën në Gaza. Sipas saj, luftimet duhet të vazhdojnë derisa Hamasi të eliminohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
