Një prej pacientëve të shtruar në Spitalin Infektiv me koronavirus është drejt shërimit. Lajmin e jep kryeministri Rama, i cili në një status në “Facebook”, shkruan se pacienti në fjalë ka dalë negativ në testin e parë. Nëse i njëjti rezultat do të jetë edhe pas testit të dytë, atëherë do të kemi të shëruarin e parë nga koronavirusi në Shqipëri.
“Kontakti i parë i pacientit zero që kurohet në spitalin infektiv doli negativ në testin e parë. Nëse edhe në testin e dytë pas 48 orësh ky rezultat do të konfirmohet, atëherë do të kemi të shëruarin e parë. Të presim dhe të lutemi që zoti t’u japë forcë të sëmurëve dhe heronjve me bluza të bardha, në vijën e zjarrit me armikun”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
