Deri më 26 maj janë 257 raste të konfirmuara laboratorike të lisë së majmunëve dhe rreth 120 raste të dyshuara, ndërkohë që nuk raportohet për të vdekur.
Një fakt i tillë u bë i ditur nga Organizata Botërore e Shëndetësisë, duke specifikuar se situata po evoluon me shpejtësi dhe se rastet e identifikuara do të rriten me zgjerimin e mbikëqyrjes në vendet jo-endemike, si dhe në ato të njohura si endemike që nuk kanë raportuar raste kohët e fundit.
Shumica dërrmuese e rasteve të raportuara deri më tani nuk kanë lidhje udhëtimi me një zonë endemike dhe janë paraqitur përmes kujdesit parësor ose shërbimeve të shëndetit seksual.
OBSH thekson se identifikimi i rasteve të konfirmuara dhe të dyshuara të lisë së majmunëve pa lidhje të drejtpërdrejta me një zonë endemike “është atipike” dhe një rast i lisë së majmunëve në një vend jo-endemik “konsiderohet një shpërthim”.
Në raportin e saj, Organizata Botërore e Shëndetësisë kujton se janë tre veprime të menjëhershme që duhen ndërmarrë: ofrimi i informacionit të saktë për ata që mund të jenë më të rrezikuar; ndalimi i përhapjes së mëtejshme midis grupeve të rrezikut; mbrojtja e punonjësve shëndetësorë të vijës së parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
