Kreu i Urdhrit të Mjekut, Fatmir Brahimaj, thotë se pagat e mjekëve janë të pamjaftueshme. Në studion e lajmeve në TvT, Brahimaj u shpreh se rritjet e pagave të bluzave të bardha kanë qenë të papërfillshme. Sipas tij, vlerësimi i figurës së mjekut duhet të shtrihet në shumë plane.
“Pagat dihet që nuk janë të mjaftueshme. Rritjet që kanë qenë në 5 apo 10 për qind nuk përmirësojnë gjë. Heronjtë duhen respektuar dhe trajtuar si heronj, që nga vlerësimi material, moral, kushtet e punës, mbrojtja ligjore etj.”, tha ai.
Brahimaj tha se në situatën e pandemisë, personeli mjekësor po përballet me disa sfida njëkohësisht.
“Personeli mjekësor me përkushtim dhe sakrificë po e përballon këtë periudhë të vështirë epidemie, jo vetëm në vijën e parë por në të gjithë sektorët. Personeli veç mbingarkesës dhe lodhjes, duhet të kujdeset edhe për sigurinë, mbrojtjen e shëndetit të tij”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
