Presidenti amerikan, Barack Obama pritet të diskutojë lidhur me kolonitë izraelite në takimin me kryeministrin izraelit, Benjamin Netanyahu, tha dje në mbrëmje zëdhënësi i Shtëpisë së Bardhë.
“Administrata e Obamës është e shqetësuar lidhur me aktivitetin e vazhdueshëm të kolonive dhe efektet e saj mbi qëndrueshmërinë e mundshme të një shteti palestinez”, tha zëvendëskëshilltari i Sigurisë Kombëtare, Ben Rhodes.
Takimi bilateral në Nju Jork para samitit të Asamblesë së Përgjithshme të OKB-së, me gjasë i fundit mes liderëve ndërkohë që Obama është ende në Shtëpinë e Bardhë, vjen në pas prishjes së marrëdhënieve midis vendeve që kur u nënshkrua marrëveshja bërthamore e Iranit në vitin 2015.
Netanyahu deklaroi se “ka në plan të falenderojë personalisht Obamën për ndihmën e madhe dhe të rëndësishme të dhënë për sigurinë e shtetit hebre”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
