Sonte në Zululand, Mustafa Nano ka patur një monolog të tijin, lidhur me zgjedhjet në SHBA, ku në pjesën e parë është dhënë një dokumentar interesant për Donald Trump-in. Trump ka qenë figura qëndrore e kësaj fushate, për të cilin janë bërë tonelata shkrimesh e raportimesh televizive. Janë bërë filma e dokumentarë. E kanë qortuar e mburrur, e kanë mbështetur e denoncuar, e kanë heroizuar e diabolizuar.
Ndërsa në pjesën e dytë Nano foli rreth 12 minuta, për Trump, i cili ka rritur shanset e fitores në garën presidenciale. Sipas Nanos, Trump ka hyrë si kandidati që i mundi të gjithë, elitën politike konservatore që fillimisht ishte e tëra kundër tij, elitën politike të partisë republikane, si dhe mundi shtypin e median, kolumnistët e pronarët, mundi Fox News-in e CNN-in, e kështu me radhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
