TikTok është rikthyer në dyqanet e aplikacioneve të Apple dhe Google në Shtetet e Bashkuara pasi Presidenti Donald Trump vonoi zbatimin e një ndalimi për aplikacionin e mediave sociale.
Fati i aplikacionit ishte i paqartë që kur një ligj i kërkonte pronarit të tij kinez ose ta shesë atë për arsye të sigurisë kombëtare ose të përballet me një ndalim që hyn në fuqi më 19 janar.
TikTok që ka më shumë se 170 milionë përdorues amerikanë, u hoq nga dyqanet e aplikacioneve të Apple dhe Google më 18 janar për të respektuar ligjin.
Pas marrjes së detyrës më 20 janar, Trump nënshkroi një urdhër ekzekutiv që kërkon të shtyjë me 75 ditë zbatimin e ligjit. Sidoqoftë, Apple dhe Google nuk e kishin vënë TikTok të disponueshëm në dyqanet e tyre të aplikacioneve deri më tani.
Aplikacioni për ndarjen e videove është përballur prej kohësh me probleme në SHBA, me qeverinë që pretendon se pronësia e tij kineze dhe qasja në të dhënat e miliona amerikanëve e bën atë një rrezik për sigurinë kombëtare.
Ndalimi u miratua për shkak të shqetësimeve se qeveria kineze mund ta shfrytëzonte aplikacionin për të spiunuar amerikanët ose për të ndikuar fshehurazi opinionin publik amerikan përmes mbledhjes së të dhënave dhe manipulimit të përmbajtjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
