Autoritetet greke të drejtësisë kërkojnë sekuestrimin e një mjeti luksoz në Tiranë. Bëhet fjalë për një autoveturë të tipit “PORCHE CARRERA 4S” ngjyrë blu, që dyshohet të jetë vjedhur në territorin grek.
Gjykata e Tiranës i ka dhënë dritë jeshile ekzekutimit të letërporosisë të përcjellë nga pala greke për këtë rast, duke urdhëruar gjetjen dhe sekuestrimin e mjetit. Ky veprim është kërkuar për llogari të një hetimi të nisur në Greqi për veprën penale të “vjedhjes”. Pala greke theksonte se mjeti gjendet në territorin e Tiranës. Përveç modelit
autoritetet e vendit fqinj vinin në dispozicion të organeve ligjzbatuese shqiptare edhe numrin e shasisë së mjetit, që përfundonte me shifrën 622, raporton "abc".
Ditët e fundit Policia e Tiranës ndërmorri një operacion për bllokimin e mjeteve të trafikuara në Shqipëri nga vendet e BE-së. Në 28 shtator u njoftua sekuestrimi i 12 mjeteve luksoze, kyresisht “Mercedes”, “BMW” dhe RANGE ROVER”, por asnjë “PORCHE CARRERA”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
