Një tërmet i fuqishëm me magnitudë 6 ballë goditi bregdetin e prefekturës Ibaraki në Japoni, lëkundje që u ndjenë në fshatin Olimpik të Tokios ku po mbahen Lojërat Olimpike.
Tërmeti goditi brigjet e Tokios rreth orës 5:30 të mëngjesit me kohën lokale të mërkurën, sipas raporteve nga Agjencia Meteorologjike Japoneze, e cila monitoron aktivitetin sizmik.
JMA sugjeroi se epiqendra e tërmetit ishte 40 km - ose rreth 25 milje - thellë në brigjet e Japonisë. Agjencia shtoi se nuk kishte asnjë kërcënim për një cunami, ndërsa raportohet se tërmeti zgjati nga 20 sekonda në 3 minuta.
Japonia nuk është e huaj për tërmetet, pasi vendi qëndron mbi tre pllaka tektonike konvergjente. Kur vetëm njëra nga ato pllaka tektonike zhvendoset, mund të ndodhë një tërmet.
Zyrtarët japonezë krijuan në mënyrë specifike vendet olimpike të Tokios për t'i bërë ballë tërmeteve dhe fatkeqësive natyrore. Sipas Firstpost, arena e volejbollit Ariake përmban "jastëkë gome që thithin goditjen" për të zvogëluar dridhjet ndërsa Fshati Olimpik mbrohet nga muret e detit që mund të mbrojnë nga cunami që arrin 6.5 metra.
Disa vullnetarë në lojëra kanë filluar të rrëfejnë përvojat e tyre nga një tërmet dhe cunami japonez i vitit 2011 që vrau të paktën 18,000 njerëz.
Disa kanë shpërndarë karta biznesi me historitë e tyre të cunamit, ndërsa të tjerë kanë ngritur qendra tregimi pranë stacioneve të autobusëve për të ndarë përvojat e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
