Ajo që fillimisht u raportua si një ngjarje aksidentale në Vlorë, mund të ketë qenë një krim i mirëfilltë. Zjarri që u mori jetën dy personave, nënë e bir, mund të jetë përdorur për të fshehur gjurmët e vrasjeve.
Këto janë dyshimet e lindura pas këqyrjes paraprake të trupave të Salkie Hoxhallarit, 73 vjeçe, dhe Novruz Hoxhallarit, 43 vjeç, të gjetur të djegur në banesën e tyre në lagjen “1 Maji”.
Në trupin e gruas janë gjetur shenja dhune në qafë, ndërsa djali i saj 43-vjeçar ka të tilla në kokë. Megjithatë, priten rezultatet e ekspertizës mjeko-ligjore për të përcaktuar shkakun e vdekjes së të moshuarës dhe djalit të saj.
Ngjarja e rëndë ka ndodhur gjatë natës. Viktimat, Salkie Hoxhallari, 73 vjeçe, dhe Novruz Hoxhallari, 43 vjeç, nënë e bir, u gjetën mëngjesin e sotëm.
Fillimisht u hodh dyshimi se zjarri ka ardhur si pasojë e shpërthimit të ndonjë bombule gazi apo tjetër mjeti për ngrohje që mund të jetë harruar ndezur, ndërkohë që dy viktimat kanë qenë në gjumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
