Një fatkeqësi është shënuar sot në Gjirokastër pasi një 33-vjeçar, i quajtur Besmir Koko, ka ndërruar jetë për shkak se është goditur nga një vetëtimë. Personi në fjalë ka qenë duke kullotur bagëtitë teksa është gjendur fatkeqësisht në vendin ku u shkarkua edhe energjia e këtij fenomeni natyror.
Ngjarja në Dropull ka ndodhur në orët e pasditës kur i gjithë rrethi i Gjirokastrës është përfshirë nga rreshje shiu dhe stuhi të menjëhershme. Mësohet se 33-vjeçari është me origjinë nga fshati Picar.
Si për ironi rreshjet e dendura të shiut dhe stuhia ka zgjatur pak minuta, ndërsa më pas janë larguar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
