Ekuadori ka nisur një hetim për vrasjen e katër breshkave gjigante në Galapagos, të cilat dyshohet se janë gjuajtur dhe ngrënë. Mbetjet e tyre u gjetën në një park kombëtar në Isabela, ishulli më i madh në arkipelagun ekuadorian.
Vrasja e këtyre specieve të rrezikuara është e ndaluar që nga viti 1933, por gati njëzet janë gjuajtur në dy vitet e fundit. Sipas ligjeve aktuale ata që vrasin këto specie tani përballen me tre vjet burg.
Në shtator 2021, në Isabela, rojet e parkut gjetën mbetjet e 15 breshkave gjigante nga Sierra Negra. Dëshmitë e mbledhura në atë kohë tregonin se ato ishin vrarë për përdorim ushqimor.
Zbulimi i fundit i mbetjeve ka rizgjuar frikën se praktika do të vazhdojë pavarësisht ndalimit total. Ekspertët do të kryejnë një autopsi mbi mbetjet dhe një njësi e krimeve mjedisore po mbledh dëshmitë e agjentëve të parkut kombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
